4º ESO: Exame unidade 4 e solucións do Boletín 6

Lembrade que o exame da unidade 4: Control Programado será o mércores 31 de Xaneiro na sá de usos múltiples.

Na zona de desacargas tedes as solucións dos exercicios do boletín 6.

4º ESO: Descargas da unidade 4

Na zona de descargas tedes o seguinte material novo:

• Unidade 4: Control programado
• Boletín 6: Control programado

Xogos de lóxica

Pincha aquí

Varios xogos de lóxica para que probedes as vosas habilidades

2º ESO: Unidade 4

Na zona de descargas de 2º tedes a primeira entrega dos apuntes da unidade 4 e as actividades correspondentes a estes contidos. Tamén podedes descargalos dende a unidade de alumnos.

Recuperación de PENDENTES

Os alumnos que teñan pendente a asignatura de Tecnoloxía de cursos anteriores poden entregar os traballos de recuperación ate o 1 de Febreiro. Nos días seguintes a esta data, publicaremos a lista de aprobados e a lista de alumnos que deberán realizar o exame de recuperación o día 12 de Febreiro.

En resumo:

• Data límite para a entrega de traballos: 1 de Febreiro
• Data do exame de recuperación: 12 de Febreiro

Para resolver calquera dúbida que poidades ter, estarei no taller 1 todos os mércores durante o 1º recreo.

Vémonos en Xaneiro!!!

Os mellores desexos para estas festas de Nadal e o ano que comeza

Vémonos en Xaneiro!!!

Xogamos a LEGO?

BlockCAD é unha aplicación freeware fácil de manexar e cun montón de posibilidades para deseñar edificios, vehículos, estacións espaciais e todo o que se vos ocurra con bloques de LEGO. Descargádeo aquí

E tamén podedes botarlle un ollo aos deseños doutros usuarios: Galería

4º de ESO: Manual de QCad 1.5.1

A semana que vén, comezaremos as prácticas de QCad na aula de informática. Por se queredes ir practicando na casa, déixovos un enlace a un manual en castelán. O programa podedes descargalo dende a zona de descargas de software.

Me paso a blogger beta

Blogger oferta a posibilidade de trasladar o blog a Blogger beta, onde entre outras, melloran considerablemente as opcións de configuración do blog. Outra das novidades que ofrece esta nova versión de Blogger é a posibilidade de incluír etiquetas nos posts, que espero vos faciliten a busca de información.

Divulgación: Un truco para probar

Inauguramos unha sección de colaboracións no blog. A primeira delas vén asinada por Diego Sotelo, profesor de Tecnoloxía do CPI de Bembibre.

Hai uns anos atopei este truco de maxia nun libro xuvenil, a explicación de por que funciona esperou uns anos máis. Este é o truco:

Colle unha regra escolar de calquera tamaño, eu para a explicación vou coller unha de 30 cm. Pon as mans separadas máis de 20 cm e menos de 30 cm (este detalle é moi importante como veredes agora) e apoia a regra sobre os dedos índices. Se tes as mans separadas máis de 30 cm a regra caerá ó chan facendo un ruído de plástico roto. Deixa que a regra apoie nos dedos e non a agarres cos polgares.

Ata aquí todo foi colocación agora comeza o truco.

Comeza a xuntar as mans moi a modo. Dá igual cal movas primeiro ou se as moves á vez, o resultado ó final é que podes xuntar as mans sen que caia a regra. Por se fora pouco as dúas mans xúntanse exactamente no centímetro 15 (isto é máis visíbel se a regra é transparente).

A explicación do truco está baseada no rozamento entre o plástico da regra e a man:

Cando xuntes as mans, non controlas cal é a man que se despraza, senón que se vai mover a man que roce menos co plástico (menor rozamento). Curiosamente ese rozamento é maior canto máis preto estamos do medio da regra, así que a man que máis se achega ó medio deixa de avanzar e deixa o movemento á outra man. Isto fai que as mans se acheguen ó centro alternativamente, primeiro se move unha e despois a outra. Pero ningunha é capaz de chegar ó medio.

¿Por que roza máis a man que está preto do centro? Porque o rozamento aumenta co peso da regra e este peso depende de onde teñamos as dúas mans Cando as mans están nos extremos soportan a metade do peso cada unha. Cando unha man está no centro ela soporta o peso completo da regra.