Wiki pechada á edición

Acabo de bloquear as páxinas da wiki para a súa avaliación. Podedes acceder á vosa conta e facer uso das utilidades como a mensaxería, pero non editar.
Boa fin de semana!!!

Que tal te manexas co html?

Agora con aplicacións como CKEditor xa non é necesario pelexarse co html. Emprega o seu completísimo editor de texto para crear por exemplo un post, fai clic sobre o botón Código Fonte e listo para copiar e pegar! Ten unha versión para descargar pero tamén pode usarse online. Utilísimo para facer composicións complicadas que requiren un tedioso traballo en html.

Para pasar o tempo

Xa sei que este ano teño totalmente aparcada a sección da aplicación da semana, pero é que o tempo non dá para máis. Así que para compensar un pouco, vouvos facer tres recomendacións para que vos relaxedes entre exame e exame:

• Unha aplicación para crear online fondos de escritorio: x3studios
• Unha aplicación para recortar vídeos de YouTube: TubeChop
• Unha páxina de xogos: physicsgames

Sorte cos últimos exames desta avaliación, e ánimo, que non queda nada para as vacacións!!!

Aplicación da semana: FeedJournal

Hoxe coñecín FeedJournal a través de What'sNew. Trátase dunha aplicación online que permite xerar un xornal en pdf a partir dos feeds das páxinas que escollades (seleccionando cada entrada individualmente). Os que tedes un blog podedes empregalo para enviar periodicamente un boletín aos vosos subscritores.

Aplicación da semana: WallWisher

A través de what's new chéganos WallWisher, unha aplicación coa que poderedes crear un espacio onde os vosos amigos, e en xeral calquer persoa que coñeza a URL, poderán deixarvos notas, imaxes, clips de audio ou vídeos.

Queredes probar o meu?

Aplicación da semana: Caleidoscopio

Probade este curioso caleidoscopio que nos vén recomendado desde a páxina what's new.

Aplicación da semana: Down for everyone or just me?

Estamos cargando unha páxina e non vai. Tentámolo de novo, e de novo problemas. Serei eu ou estará caída para todo o mundo???

Teclea a URL en Down for everyone or just me? e terás a resposta.

Aplicación da semana: html->pdf Converter

A recomendación desta semana é unha aplicación online que permite converter unha páxina web nun documento pdf. Con html->pdf converter (vía what's new) soamente teredes que pegar a URL e premer no botón Make PDF. Cando esté listo poderemos abrir ou gardar o documento resultante.

Aplicación da semana: Screedbot

Tecleade un texto, escollede tamaño e cores e gardade o gif no voso ordenador. Así de fácil!!! Queredes probar screedbot?

Aplicación da semana: Peggy Planner

Queredes crear paneis luminosos a base de LEDs??? A través de tecnotic.com chéganos Peggy Planner. Podería dicirse que é a versión actualizada daquel xogo de chinchetas que tiñamos os de trinta e tantos cando eramos pequenos :-)

Deletreando con imaxes de Flickr

Souben desta divertida aplicación a través de tecnoloxia.org, un blog de obrigada lectura para todos os que disfrutamos coa tecnoloxía. Spell with Flickr permite escribir palabras empregando imaxes de Flickr. É moi fácil de manexar e as letras poden cambiarse individualmente unha vez xerado o texto.

Aplicación da semana: Wordle

A aplicación Wordle permite xerar nubes de palabras a partir dun texto introducido, unha páxina web ou etiquetas de del.icio.us. Os resultados son sorprendentes. Nas imaxes podedes ver dous exemplos para o o Blog de Tecnoloxía neste momento.

4º ESO: Binary Game

Buscando un xogo que permitira practicar o paso binario<->decimal atopei unha referencia en tecnotic con moi boa pinta. Binary Game é unha especie de tetris no que podedes eliminar filas dando coa combinación de 1s e 0s axeitada. Botádelle un ollo e me contades!

Aplicación da semana: Bus Slogan Generator

A través de The Generator Blog cheguei a esta aplicación que permite colocar a mensaxe que queirades no lateral dun bus para a continuación descargar a imaxe. Aproveito para lembrarvos que sempre que descarguedes algo tedes que pasarlle o antivirus antes de abrir!!!

Aplicación da semana: Garfield's Comic Creator

Queredes facer banda deseñada de Garfield??? Con Garfield's Comic Creator é ben fácil! Enviádeme os vosos deseños se vos apetece!!!

Aplicación da semana: 1link.in

Imaxinade que queredes enviarlle a alguén unha lista de ligazóns a vídeos de YouTube ou correspondentes a unha serie de páxinas interesantes. Normalmente escribimos as URLs unha debaixo de outra pero agora temos 1link.in, unha aplicación online que nos chega a través de what's new.

Tecleade as direccións, facede clic no botón 1link e xa teredes a vosa colección de ligazóns agrupadas nunha soa. Unha mostra :-)

Ah, ademais se facedes clic no botón open, abriredes cada unha das páxinas nunha pestana do voso navegador.

Aplicación da semana: CardFunk

E chegamos á última aplicación da semana deste ano e como non, tiña que ser algo relacionado con estas datas :-)

Fabricade unha felicitación de Nadal personalizada poñéndolle a cara aos bailaríns con CardFunk. Moi boas festas a tod@s e un feliz 2009 desde o Blog de Tecnoloxía!!!!!!

Aplicación da semana: Auditorium

A semana pasada atopei en what's new un xogo de luz e música chamado Auditorium. O autor deste blog referíase a esta aplicación como unha das experiencias máis relaxantes que tivera en moito tempo e teño que dicir que concordo con el :-)

En Auditorium teredes que dirixir os feixes de luz para que activen os centros responsables de emitir música. Para comezar, teredes que facer clic na pantalla principal. Disfrutádeo!!!

Aplicación da semana: YouConvertit

Son moitas as ocasións nas que temos un arquivo nun determinado formato e necesitamos cambialo. A través de what's new chéganos esta aplicación online tan completa. Con YouConvertit poderemos:

• Cambiar o formato dun arquivo e recibir na dirección de correo que indiquemos unha ligazón para descargar o mesmo arquivo co novo formato
  
• Realizar a conversión online para vídeos dos que coñezamos a URL ou descargalos directamente
• Enviar arquivos de ate 1 GB por correo electrónico ao destinatario que escollamos. Esta opción é moi útil cando se trata de arquivos pesados que poderían saturar o buzón de quen os recibe. YouConvertit almacena o noso envío nunha ligazón que é o que recibe o destinatario
  
• Realizar cambios de unidades

Ollo, non esquezades pasar o antivirus logo de facer a descarga!!!

Aplicación da semana: piZap

A través de what's new chéganos piZap, unha aplicación online que nos permitirá engadir todo tipo de efectos a unha imaxe para a continuación descargala ou enviala como postal.

Non é necesario rexistrarse e dispón dunha limitada pero interesante galería de efectos tales como bocadillos con texto, pegatinas, caras e incluso un pincel para pintar a man o que desexemos engadir. Facede as vosas composicións e animádevos a enviarme algunha!!!