2º ESO: Actividades do tema de estruturas

Xa tedes na aulateca as actividades en soporte LIM do tema de estruturas. Traballaredes con elas nas horas de desdobre. Os que non teñades portátil pedídelle a Jesús unha copia en papel.

2º ESO: Actualizada a presentación de estruturas

Xa está actualizada a presentación de estruturas na sección 2ª AVALIACIÓN.

Deletreando con imaxes de Flickr

Souben desta divertida aplicación a través de tecnoloxia.org, un blog de obrigada lectura para todos os que disfrutamos coa tecnoloxía. Spell with Flickr permite escribir palabras empregando imaxes de Flickr. É moi fácil de manexar e as letras poden cambiarse individualmente unha vez xerado o texto.

Aplicación da semana: Wordle

A aplicación Wordle permite xerar nubes de palabras a partir dun texto introducido, unha páxina web ou etiquetas de del.icio.us. Os resultados son sorprendentes. Nas imaxes podedes ver dous exemplos para o o Blog de Tecnoloxía neste momento.

4º ESO: Binary Game

Buscando un xogo que permitira practicar o paso binario<->decimal atopei unha referencia en tecnotic con moi boa pinta. Binary Game é unha especie de tetris no que podedes eliminar filas dando coa combinación de 1s e 0s axeitada. Botádelle un ollo e me contades!

Exame de pendentes

O exame de pendentes de Tecnoloxía terá lugar o 26 de Febreiro ás 12:45 horas. Se tedes dúbidas podemos resolvelas durante os recreos.

O Congo na mochila

Reabro a sección de colaboracións do blog con esta interesantísima entrada escrita por Nacho Menéndez, profesor do departamento de Ciencias Sociais do IES de Pastoriza.

Xoguemos ao Trivial.
- Pregunta: Onde está a República Democrática do Congo?
- Resposta: en África central.
- Pregunta: Enumera polo menos tres instrumentos electrónicos co cualificativo de "tic".
- Resposta: Teléfono Móbil, GPS e ordenador con sistema wifi.
- Pregunta: Que ten que ver a República Democrática do Congo cos "aparatos" anteriormente mencionados?
- Resposta: O coltán.
- Que é o coltán?
- Resposta: É unha contracción de dous minerais, a columbita e a tantalita. O coltán é fundamental para o desenvolvemento da telefonía móbil, a fabricación de ordenadores, a PlayStation, os mísiles chamados intelixentes, incluso para os implantes de órganos.
Os milagres do coltán débense ás súas particularidades. É capaz de soportar temperaturas moi elevadas. Almacena carga eléctrica temporal e libéraa cando é necesario. É altamente resistente á corrosión.
- Pregunta: Onde se atopan os maiores xacementos do mundo de coltán?
- Resposta: O 80% das reservas están na rexión de Kivu e Itari, ao leste da República Democrática do Congo (ver mapa).

Esta é unha das zonas máis violentas do mundo. A loita de cinco grupos armados apoiados por países veciños como Ruanda, Uganda e Burundi polo control do coltán, provocaron o desprazamento dunhas 250.000 persoas o pasado mes de outubro. En total hai polo menos -segundo Amnistía Internacional- 1,2 millóns de persoas desprazadas en Kivu Norte. É incalculable o número de mulleres e nenas que teñen sufrido violencia sexual.

Algunhas cifras máis que nos axuden a situar a catástrofe humanitaria que vive O Congo:

• Cinco millóns de persoas mortas dende 1998.
• 30.000 nenos e nenas recrutados polas diferentes forzas armadas ao longo destes dez anos. Estímase que aínda hai entre 3.000 e 7.000 menores soldados e esta cifra podería estar aumentando (datos de Amnistía Internacional).

- Última pregunta: Mira o teu móbil, ou o teu ordenador, ou o teu videoxogo... que pensas?

AVISO IMPORTANTE

Acabo de entrar na páxina da Consellería e hai aviso de que mañán luns día 9 de Febreiro queda suspendida toda actividade escolar nos centros educativos de ensino non universitario de toda Galicia.

O exame que tiñamos o martes en 4ºB queda en principio suspendido para podermos repasar antes de facelo. Xa falaremos!

Aplicación da semana: Bus Slogan Generator

A través de The Generator Blog cheguei a esta aplicación que permite colocar a mensaxe que queirades no lateral dun bus para a continuación descargar a imaxe. Aproveito para lembrarvos que sempre que descarguedes algo tedes que pasarlle o antivirus antes de abrir!!!

2º ESO: Estruturas

Nesta semana comezaremos en 2ºB co tema de estruturas (en 2ºA farémolo a semana seguinte) por iso xa podedes descargar a presentación e o cuestionario do proxecto na sección 2ª AVALIACIÓN.

Dardos

María Loureiro, profesora de tecnoloxía e autora do imprescindible blog tecnoloxia.org concédeme un premio en forma de dardo. Ademais de facerlle chegar o meu agradecemento e de acordo coas regras ás que obedece este premio

voulles enviar un dardo aos seguintes blogs:

• Tecnoloxía: blog de Ana Villar, a miña insubstituíble compañeira de Tecnoloxía
  
• Radio Furoca: blog da emisora de radio que ameniza os nosos recreos
• Lagarto Dixital: o ar mudou de rumbo varias veces nos últimos anos pero o arrecendo de magnolia nunca marchou de Pastoriza :-)
• Astronomía na beirarrúa: blog que nos achega a astronomía converténdoa nunha festa veciñal
  

4º ESO: Control e robótica

Actualizado o tema de control e robótica na sección 2ª AVALIACIÓN.

Aplicación da semana: White Jigsaw

Hoxe vin en microsiervos este orixinal xogo. White Jigsaw é un crebacabezas totalmente en branco que comeza cunha sinxela distribución de 4x3 pezas. O xogo irá complicándose cada vez que rematemos un crebacabezas.