10000 visitas!!!

No ano 2004 estaba interesada en aplicacións que permitiran a creación se sitios web de forma rápida e sinxela con vistas a traballar cos alumnos de 3º de ESO. Souben entón de algo chamado blog e me pareceu unha proposta moi interesante. Logo de revisar os sitios que permitían edición e aloxamento gratis, decanteime por Blogger. Naquel momento todas as instruccións estaban en Inglés, así que o primeiro que fixen foi crear o meu blog para colgar un post explicándolles en Galego aos alumnos como darse de alta. A continuación empreguei o blog para colgar os diferentes exercicios que realizamos na aula de informática e tamén para enlazar os blogs que ían creando os chicos (a maioría destes posts non existen xa).

Comecei a usar o blog cada vez para máis cousas. Se aloxaba o material que usaba nas clases nun servidor e o enlazaba dende o blog, os meus alumnos poderían baixalo. Así que colguei presentacións, boletíns de exercicios, guións de prácticas,... Tamén comecei a postear todos os avisos que daba na clase como datas de exames ou visitas a realizar. As páxinas que visitabamos na clase tamén apareceron no blog como recomendacións e os programas gratuítos que empregabamos, podían descargarse dende el.

A utilización do blog como recurso foi cobrando cada vez máis importancia para min e actualmente é unha ferramenta imprescindible no meu traballo docente.

Haberá cousa de dous anos que incluín un contador para ter unha idea da repercusión que estaba a ter e hai uns días que chegamos á 10000 visitas!!! Agardo que sigades disfrutando co meu blog tanto coma eu. Gracias por visitarme!!!!!!!!