Xogamos? Typing chef

Pasados xa os exames da 2ª avaliación, chegou o momento de relaxarse un pouco cun xogo. Sodes suficientemente rápidos co teclado? Con typing chef teredes a resposta...

(vía tecnotic.com)

3º de ESO: Exames da semana que vén

Aquí estou de novo despois de moitos días de ausencia. Xa sabedes que esta semana estiven de baixa pero o luns estarei de novo polo instituto. Quería lembrarvos as datas dos exames de electricidade de 3º:

• 3ºBC: luns día 15 de Marzo na aula de 3ºB
• 3ºA: martes día 16 de Marzo na aula de 3ºA

Lémbrovos tamén que os exercicios de resolución de circuítos e cálculo de potencia e enerxía serán semellantes aos dos boletíns e que da parte de instalacións eléctricas en vivendas preguntarei basicamente teoría. Repasade todo o que fixemos en clase e o material da unidade (presentacións, boletíns,...) e se tedes dúbidas, consultade con Mónica (a miña substituta), buscádeme o luns ou enviádeme un correo nestes días.

Ah, traede calculadora para o exame!

Exame de pendentes: OLLO!!!

A hora indicada no post do 8 de Febreiro é incorrecta. O exame de pendentes terá lugar ás 10:45 horas (3ª hora) tal e como se indica nos calendarios que tedes nas aulas. Desculpade as molestias.

3º ESO: Calendario

Na sección 2ª AVALIACIÓN está colgado o calendario de entrega dos diferentes boletíns, así como outras datas de interese para esta avaliación.

Exame de pendentes

Para todos os que tedes que realizar o exame de pendentes de Tecnoloxía:

• Día: 25 de Febreiro
• Hora: 11:35 h
• Lugar: sá de usos múltiples

3º ESO: Código de cores

Algún grupo está a punto de realizar a primeira autoavaliación do tema de electricidade e para iso necesitará ter diante o código de cores das resistencias. Déixovos o cadro coas equivalencias.

Tecnoprofes

Visit tecnoprofes

O domingo púxose en funcionamento a rede social Tecnoprofes destinada ao profesorado de tecnoloxía de ESO e bacharelato. Moitas grazas aos compañeiros que puxeron en marcha unha iniciativa tan interesante e tan necesaria. Se es profe de tecnoloxía, visita Tecnoprofes e únete!!!

Libros que levitan???

Un deseño interesante :-)
(vía microsiervos)

1, 2, 3, 4, 5...

Que vos parece o despezamento do Hyundai Genesis 2010? O envío é de Suso, colaborador deste blog e para ver acceder á ligazón onde se publica esta foto e un post moi interesante, soamente tedes que facer clic nela.

3º ESO: Aviso importante

Agardo que todos vós pasarades unhas boas vacacións e veñades con moitas ganas de traballar :-)

Posteo este aviso para comentarvos que nesta avaliación traballaremos diariamente co portátil polo que é necesario que todos o traiades todos os días que teñamos clase de Tecno coas baterías cargadas. Vémonos o luns!