Informática: Sistemas operativos

A presentación que estamos preparando para as clases sobre sistemas operativos todavía non está rematada, pero xa tedes na zona CURSO 2008-09 as diapositivas que vimos ate agora por se queredes descargalas nos vosos equipos. Avisarei cando haxa algunha actualización.

Sistemas operativos

Na clase de Informática de 4º de ESO estamos estudiando os diferentes sistemas operativos e tamén como evolucionaron desde os primeiros de tipo textual (que levanten a man os que teñan traballado con MSDOS :-). Aquí tedes algunhas ligazóns de interese:

• Evolución do sistema operativo MacOS
• Evolución do sistema operativo Windows
• Evolución do escritorio en Linux
• Evolución dos diferentes escritorios

Gracias a Ana Villar por localizar a maioría destas ligazóns!

Fotos Polaroid

Xa hai uns meses que o sitio what's new informaba acerca dunha aplicación para simular e enviar fotos Polaroid. Con PhotoNotes poderedes crear unha imaxe como a deste post sen máis que:

• Subir unha imaxe
• Escoller un modelo
• Seleccionar unha fonte
• Elexir unha cor
• Teclear unha mensaxe de ate 50 caracteres para acompañar á imaxe

A continuación fai unha previsualización e se gostades dela, poderedes enviala á dirección de correo electrónico que indiquedes.

O proceso tecnolóxico

En 2º de ESO estamos aprendendo como a tecnoloxía ofrece un obxecto tecnolóxico como resposta a un problema ou unha necesidade. Isto é posible gracias a un proceso tecnolóxico que se desenvolve en diferentes etapas.

No vídeo que tedes a continuación podedes ver o proceso de fabricación dunha táboa de snowboard.

Música sin pausa

A través de what's new chéganos a aplicación PlisTube baseada en YouTube que permite encadear vídeos do artista ou grupo que escollamos coa posibilidade de gardar a lista resultante.

Máis descargas

Na sección CURSO 2008-09 tedes dúas novas presentacións para descargar:

• A tecnoloxía é fantástica: traballaremos con ela nos próximos días
• Electrónica: a primeira das unidades para os alumnos de 4º B

Material para descargar

Deixo na sección CURSO 2008-09 as presentacións que vimos hoxe ao longo do día:

• 2ºA: Presentación do curso
• 4ºB: Presentación do curso
• 4ºD: Presentación do curso

Comezamos!!!

Mañán comezaremos as clases de Tecnoloxía do curso 2008-09 e quero facelo dándovos a benvida a tod@s pero en especial aos alumn@s de 2ºA, 2ºB, 4ºB e 4ºD de Informática, pois compartiremos moitas horas de aquí a Xuño :-)

Exame de Setembro

Ben certo é que todo o bon remata. As vacacións de verán chegaron ao seu fin, o curso 2008-09 comezará dentro duns días e algúns de vós todavía tedes que facer exames de recuperación. Para os que teñades que examinarvos de Tecnoloxía, sabede que a proba será o martes 2 de Setembro ás 12:20 horas. Estaremos na sá de usos múltiples e nas aulas de 3ºA e 3ºB.

Traballamos co papel

Seguro que se vos falo de facer unha animación, non vos viría á cabeza esta imaxe pero é que cheguei por casualidade a esta páxina de recortables e non vos imaxinades cantísimas cousas se poden facer empregando só papel. Botádelle un ollo e me contades...