"Electrónica" creativa

Xa vedes que hai quen toma ao pé da letra o de fabricar robots empregando a Electrónica :-)

Propóñovos un xogo: seriades capaces de recoñecer os compoñentes que integran esta pequena creación?

Eee PC de Asus

Parece que o tan esperado portátil de Asus sae por fin ao mercado aínda que todavía se comercializa en poucos países (o noso non é un deles :-) e o seu precio é lixeiramente superior ao que inicialmente estaba previsto.

Estamos a falar dun ordenador de menos de 300 €, que funciona baixo Linux pero compatible con Windows XP, de peso inferior a 1 kg, con wifi, pantalla de 7'',... (facede clic aquí se queredes ver todas as especificacións)

É de esperar que a primeiros de ano saia un novo modelo con precio inferior aos 200 €. Estaremos atentos...

TypoGenerator

TypoGenerator é unha aplicación que permite xerar composicións moi vistosas a partir do texto introducido polo usuario. O fondo presenta imaxes relacionadas co texto que o programa atopa con google e as cores e o tipo de letra selecciónanse ao azar.

Podedes manter uns elementos e variar outros, por exemplo, xerar unha nova composición variando soamente as cores.

Aquí tedes algúns exemplos:

Box2DFlashAS3

Pincha e arrastra os diferentes obxectos para ver como interaccionan entre si. Podes ver os demais exemplos premendo nos cursores esquerdo/dereito e restaurar o exemplo no que te atopes coa tecla R. Moi interesante...

Semana da Ciencia

Nesta páxina atoparedes información de todas as actividades que se están a desenvolver en Galicia no marco da Semana da Ciencia 2007. Exposicións, películas, obradoiros, cursos,... hai moito onde escoller!!!

O clube tics iespas de novo en marcha

O helpdesk do IES de Pastoriza ponse de novo en marcha e estrea blog

http://oclubedoiespas.blogspot.com/

Non deixedes de visitalo!!! Seguro que nel atoparedes un montón de cousas interesantes.

Procesos de fabricación

Se vos gustou o vídeo do post anterior, aquí tedes unha boa colección de vídeos sobre procesos de fabricación de obxectos de uso cotián. Todos eles pertencen ao programa Así se hace de Discovery Channel.

Procesos de fabricación

Como se fabrican os cables eléctricos?

Vídeo do proceso de fabricación dos cables eléctricos da serie Así se hace emitida por Discovery Channel.

A enerxía e a súa transformación

Incorporo á zona de descargas de 2º e 3º de ESO unha presentación sobre a enerxía e a súa transformación. As imaxes das centrais foron tomadas do libro de 3º de ESO da serie Motor de Santillana.

Baixa de maternidade

Nos próximos meses estarei de baixa de maternidade e imaxino que publicarei con menos frecuencia, pero tentarei colgar cousas de vez en cando para todos os que disfrutamos coa Tecnoloxía.

Bo comezo de curso!!!