Abur Blogger, ola Blogaliza!!!

Despois de case 6 anos en Blogger, O Blog de Tecnoloxía trasládase para Blogaliza. A nova dirección é:

http://blogdetecnoloxia.blogaliza.org

Nos próximos días irei incorporando todo o contido (tede paciencia). Vémonos!!!

En galego tamén se fai ciencia

En galego tamén se fai ciencia from En galego tamén se fai ciencia on Vimeo.

(visto en Blogaliza)

Grupo laranxa de 2ºC

O grupo laranxa de 2ºC xa rematou o seu pinball e ademais funciona moi ben. Parabéns a tod@s!!!

Clases de apoio para a proba de acceso a FP

O martes día 25 de Maio comezaremos resolvendo a proba correspondente ao ano 2009 e repasando os contidos relacionados. Nas próximas clases revisaremos todos os exercicios das probas de anos anteriores, cando todavía se avaliaba a tecnoloxía no mesmo exame que as matemáticas.

Xa recompilei para vós todos os exercicios que aparecen en todas as convocatorias desde o ano 2004. O martes pásovos as fotocopias, pero tamén podedes descargalas na sección 3ª AVALIACIÓN deste blog. Vémonos!

Exame de pendentes

Exame de pendentes de Tecnoloxías:

• Xoves día 3 de Xuño
• De 10:40 a 11:30 (3ª hora)
• Usos múltiples

Test de tecnoloxías da comunicación

Na próxima semana realizaremos o test correspondente á unidade de tecnoloxías da comunicación. As datas son:

• Luns día 24: 3ºBC
• Martes día 25: 3ºA
  

Proba de acceso a FP: clases de apoio

Estás preparando a proba de acceso para FP de grao medio? A partir da semana que vén impartirei clases de apoio da parte de Tecnoloxía no taller 1. En principio o horario será o seguinte:

• Día: martes
• Hora: de 10:40 a 11:30 (3ª hora)

Data límite para pendentes

Os alumnos coa asignatura Tecnoloxías de 2º pendente tedes que entregar mañá o material de recuperación que vos facilitei. Non recollo traballos fóra de prazo.

En Pastoriza. En Galego

Imaxes de uso libre

Imaxes de uso libre para utilizar nos vosos traballos, presentacións,...

3º ESO: Proxecto de fin de curso

Está colgado o guión do proxecto de fin de curso na sección 3ª AVALIACIÓN.

@s alumn@s de 3º terán que deseñar e construír un temporizador que se accione con pulsador e acenda unha lámpada transcorridos 10 segundos. Poden incorporar todos os elementos que consideren oportunos sabendo que valorarei entre outras cuestións, a creatividade no deseño. Poderedes ver os resultados na exposición-concurso que un ano máis realizaremos no mes de Xuño.

Wiki pechada á edición

Acabo de bloquear as páxinas da wiki para a súa avaliación. Podedes acceder á vosa conta e facer uso das utilidades como a mensaxería, pero non editar.
Boa fin de semana!!!

AVISO para 3ºA

Bo día a tod@s!

Hoxe non podo ir ao instituto. Aproveitade o tempo para rematar as vosas entradas na wiki e preguntádeme as dúbidas que teñades en persoa (xoves e venres) ou por correo electrónico. Lembrade que o venres é o último día que teredes permiso para editar.

3º ESO: Wikimateriais

Esta semana teremos a última clase na que traballaremos en wikimateriais. A partir do venres comezarei a avaliación do voso traballo e para iso bloquearei todas as vosas contas e xa non poderedes editar, pero si visitar a wiki.

Na semana que vén comezaremos co proxecto de fin de curso, ao que adicaremos as dúas horas semanais. Sería interesante que houbera polo menos un portátil por grupo sobor de todo na fase de busca de información e deseño.

Que tal te manexas co html?

Agora con aplicacións como CKEditor xa non é necesario pelexarse co html. Emprega o seu completísimo editor de texto para crear por exemplo un post, fai clic sobre o botón Código Fonte e listo para copiar e pegar! Ten unha versión para descargar pero tamén pode usarse online. Utilísimo para facer composicións complicadas que requiren un tedioso traballo en html.

Que é unha wiki???

Somos terrestres

Feliz día da Terra!!!

Vibrobots de 3ºBC

E un par de vídeos dos vibrobots de 3ºBC...

3º ESO: Wikimateriais

Os alumnos de 3ºA comezarán coa wiki o mércores e os de 3ºBC o xoves. É necesario que antes me enviedes un mail dende a vosa conta de gmail para que vos poda convidar á wiki, e que vos rexistredes a continuación. Lembrade que vos xogades un negativo...

Vibrobots de 3ºA

Os alumnos de 3ºA xa fixeron os seus vibrobots. Aquí temos tres vídeos do funcionamento dos bichos. Mañán é o turno dos de 3ºBC.

3ºA grupo verde

3ºA grupo azul

3ºA grupo amarelo