Blog de Tecnoloxía

Abur Blogger, ola Blogaliza!!!

2010-06-02T18:14:00.005+02:00

Despois de case 6 anos en Blogger, O Blog de Tecnoloxía trasládase para Blogaliza. A nova dirección é:

http://blogdetecnoloxia.blogaliza.org

Nos próximos días irei incorporando todo o contido (tede paciencia). Vémonos!!!

En galego tamén se fai ciencia

2010-06-01T20:07:00.002+02:00

En galego tamén se fai ciencia from En galego tamén se fai ciencia on Vimeo.

(visto en Blogaliza)

Grupo laranxa de 2ºC

2010-05-30T21:16:00.003+02:00

O grupo laranxa de 2ºC xa rematou o seu pinball e ademais funciona moi ben. Parabéns a tod@s!!!

Clases de apoio para a proba de acceso a FP

2010-05-21T20:58:00.005+02:00

O martes día 25 de Maio comezaremos resolvendo a proba correspondente ao ano 2009 e repasando os contidos relacionados. Nas próximas clases revisaremos todos os exercicios das probas de anos anteriores, cando todavía se avaliaba a tecnoloxía no mesmo exame que as matemáticas.

Xa recompilei para vós todos os exercicios que aparecen en todas as convocatorias desde o ano 2004. O martes pásovos as fotocopias, pero tamén podedes descargalas na sección 3ª AVALIACIÓN deste blog. Vémonos!

Exame de pendentes

2010-05-21T13:35:00.003+02:00

Exame de pendentes de Tecnoloxías:

Xoves día 3 de Xuño
De 10:40 a 11:30 (3ª hora)
Usos múltiples

Test de tecnoloxías da comunicación

2010-05-20T20:24:00.003+02:00

Na próxima semana realizaremos o test correspondente á unidade de tecnoloxías da comunicación. As datas son:

Luns día 24: 3ºBC
Martes día 25: 3ºA

Proba de acceso a FP: clases de apoio

2010-05-20T12:50:00.003+02:00

Estás preparando a proba de acceso para FP de grao medio? A partir da semana que vén impartirei clases de apoio da parte de Tecnoloxía no taller 1. En principio o horario será o seguinte:

Día: martes
Hora: de 10:40 a 11:30 (3ª hora)

Data límite para pendentes

2010-05-19T18:51:00.003+02:00

Os alumnos coa asignatura Tecnoloxías de 2º pendente tedes que entregar mañá o material de recuperación que vos facilitei. Non recollo traballos fóra de prazo.

En Pastoriza. En Galego

2010-05-14T19:17:00.006+02:00

Imaxes de uso libre

2010-05-14T19:09:00.002+02:00

Imaxes de uso libre para utilizar nos vosos traballos, presentacións,...

3º ESO: Proxecto de fin de curso

2010-05-10T22:18:00.003+02:00

Está colgado o guión do proxecto de fin de curso na sección 3ª AVALIACIÓN.

@s alumn@s de 3º terán que deseñar e construír un temporizador que se accione con pulsador e acenda unha lámpada transcorridos 10 segundos. Poden incorporar todos os elementos que consideren oportunos sabendo que valorarei entre outras cuestións, a creatividade no deseño. Poderedes ver os resultados na exposición-concurso que un ano máis realizaremos no mes de Xuño.

Wiki pechada á edición

2010-05-07T18:54:00.002+02:00

Acabo de bloquear as páxinas da wiki para a súa avaliación. Podedes acceder á vosa conta e facer uso das utilidades como a mensaxería, pero non editar.
Boa fin de semana!!!

AVISO para 3ºA

2010-05-05T10:09:00.002+02:00

Bo día a tod@s!

Hoxe non podo ir ao instituto. Aproveitade o tempo para rematar as vosas entradas na wiki e preguntádeme as dúbidas que teñades en persoa (xoves e venres) ou por correo electrónico. Lembrade que o venres é o último día que teredes permiso para editar.

3º ESO: Wikimateriais

2010-05-04T20:22:00.003+02:00

Esta semana teremos a última clase na que traballaremos en wikimateriais. A partir do venres comezarei a avaliación do voso traballo e para iso bloquearei todas as vosas contas e xa non poderedes editar, pero si visitar a wiki.

Na semana que vén comezaremos co proxecto de fin de curso, ao que adicaremos as dúas horas semanais. Sería interesante que houbera polo menos un portátil por grupo sobor de todo na fase de busca de información e deseño.

Que tal te manexas co html?

2010-04-29T19:21:00.006+02:00

Agora con aplicacións como CKEditor xa non é necesario pelexarse co html. Emprega o seu completísimo editor de texto para crear por exemplo un post, fai clic sobre o botón Código Fonte e listo para copiar e pegar! Ten unha versión para descargar pero tamén pode usarse online. Utilísimo para facer composicións complicadas que requiren un tedioso traballo en html.

Que é unha wiki???

2010-04-26T09:00:00.000+02:00

Somos terrestres

2010-04-22T09:00:00.000+02:00

Feliz día da Terra!!!

Vibrobots de 3ºBC

2010-04-15T19:44:00.003+02:00

E un par de vídeos dos vibrobots de 3ºBC...

3º ESO: Wikimateriais

2010-04-12T16:46:00.002+02:00

Os alumnos de 3ºA comezarán coa wiki o mércores e os de 3ºBC o xoves. É necesario que antes me enviedes un mail dende a vosa conta de gmail para que vos poda convidar á wiki, e que vos rexistredes a continuación. Lembrade que vos xogades un negativo...

Vibrobots de 3ºA

2010-04-07T19:35:00.007+02:00

Os alumnos de 3ºA xa fixeron os seus vibrobots. Aquí temos tres vídeos do funcionamento dos bichos. Mañán é o turno dos de 3ºBC.

3ºA grupo verde

3ºA grupo azul

3ºA grupo amarelo

Para profes de Tecnoloxía

2010-04-06T18:45:00.003+02:00

Acabo de colgar na área de profes (na parte inferior do blog) a ligazón dunha tenda onde se poden mercar minimotores con excéntrica para contruír vibrobots. Eu xa os probei e van moi ben. Nos próximos días construirémolos no taller e colgarei vídeos.

3º ESO: Wikimateriais

2010-04-06T18:34:00.002+02:00

Xa está en marcha a wiki de materiais coa que imos traballar ao longo deste mes. Se me enviaches un mail coa túa dirección de gmail, xa tes unha invitación na bandexa de entrada para ser membro da wiki. Sigue as instrucións para rexistrarte e envíame un mail ou pregúntame no instituto se tes algunha dúbida.

3º ESO: Vibrobot

2010-04-05T20:42:00.004+02:00

Nesta semana construiremos vibrobots no taller. Podedes ir botándolle un ollo a este vídeo que xa vimos en clase antes das vacacións. O cuestionario deste miniproxecto pode descargarse na sección 3ª AVALIACIÓN.

3º ESO: contas de correo

2010-03-28T22:57:00.005+02:00

Ante todo, boas vacacións! Á volta comezaremos a traballar na wiki de materiais e lembrade que nestes días tedes que crear unha conta de correo de gmail onde figure o voso nome e apelido e enviarme un mail dende ela.

Simple... xenial!!!

2010-03-28T22:49:00.003+02:00

(Vía microsiervos)

Xogamos? Typing chef

2010-03-19T11:22:00.006+01:00

Pasados xa os exames da 2ª avaliación, chegou o momento de relaxarse un pouco cun xogo. Sodes suficientemente rápidos co teclado? Con typing chef teredes a resposta...

(vía tecnotic.com)

3º de ESO: Exames da semana que vén

2010-03-11T19:34:00.007+01:00

Aquí estou de novo despois de moitos días de ausencia. Xa sabedes que esta semana estiven de baixa pero o luns estarei de novo polo instituto. Quería lembrarvos as datas dos exames de electricidade de 3º:

3ºBC: luns día 15 de Marzo na aula de 3ºB
3ºA: martes día 16 de Marzo na aula de 3ºA

Lémbrovos tamén que os exercicios de resolución de circuítos e cálculo de potencia e enerxía serán semellantes aos dos boletíns e que da parte de instalacións eléctricas en vivendas preguntarei basicamente teoría. Repasade todo o que fixemos en clase e o material da unidade (presentacións, boletíns,...) e se tedes dúbidas, consultade con Mónica (a miña substituta), buscádeme o luns ou enviádeme un correo nestes días.

Ah, traede calculadora para o exame!

Exame de pendentes: OLLO!!!

2010-02-19T10:32:00.003+01:00

A hora indicada no post do 8 de Febreiro é incorrecta. O exame de pendentes terá lugar ás 10:45 horas (3ª hora) tal e como se indica nos calendarios que tedes nas aulas. Desculpade as molestias.

3º ESO: Calendario

2010-02-09T17:29:00.003+01:00

Na sección 2ª AVALIACIÓN está colgado o calendario de entrega dos diferentes boletíns, así como outras datas de interese para esta avaliación.

Exame de pendentes

2010-02-08T12:16:00.002+01:00

Para todos os que tedes que realizar o exame de pendentes de Tecnoloxía:

Día: 25 de Febreiro
Hora: 11:35 h
Lugar: sá de usos múltiples

3º ESO: Código de cores

2010-02-01T13:19:00.004+01:00

Algún grupo está a punto de realizar a primeira autoavaliación do tema de electricidade e para iso necesitará ter diante o código de cores das resistencias. Déixovos o cadro coas equivalencias.

Tecnoprofes

2010-01-19T21:57:00.003+01:00

Visit tecnoprofes

O domingo púxose en funcionamento a rede social Tecnoprofes destinada ao profesorado de tecnoloxía de ESO e bacharelato. Moitas grazas aos compañeiros que puxeron en marcha unha iniciativa tan interesante e tan necesaria. Se es profe de tecnoloxía, visita Tecnoprofes e únete!!!

Libros que levitan???

2010-01-17T22:09:00.004+01:00

Un deseño interesante :-)
(vía microsiervos)

1, 2, 3, 4, 5...

2010-01-12T21:06:00.003+01:00

Que vos parece o despezamento do Hyundai Genesis 2010? O envío é de Suso, colaborador deste blog e para ver acceder á ligazón onde se publica esta foto e un post moi interesante, soamente tedes que facer clic nela.

3º ESO: Aviso importante

2010-01-08T00:31:00.002+01:00

Agardo que todos vós pasarades unhas boas vacacións e veñades con moitas ganas de traballar :-)

Posteo este aviso para comentarvos que nesta avaliación traballaremos diariamente co portátil polo que é necesario que todos o traiades todos os días que teñamos clase de Tecno coas baterías cargadas. Vémonos o luns!

Boas festas para todos

2009-12-18T13:26:00.004+01:00

A falta de dous días de clase para collermos as vacacións, gustaríame desexarvos a todos unhas moi boas festas. Vémonos en 2010!!!

3º ESO: Fotos dos proxectos

2009-12-16T09:30:00.003+01:00

Cos proxectos de 3º o tempo quedou moi, moi xusto e de feito non todos quedaron rematados, pero aí van algunhas fotos:

2º ESO: Fotos dos proxectos

2009-12-16T09:00:00.001+01:00

Un par de fotos dos detectores de metais construídos polos alumnos de 2º C e D que traballan no taller 1. Todos eles funcionan correctamente e agora soamente queda dar os últimos retoques e gardalos para a exposición-concurso que faremos no mes de Xuño.

AVISO IMPORTANTE

2009-12-15T18:50:00.002+01:00

Mañán día 16 de Decembro suspéndense as clases en todos os centros educativos de Galicia. Podedes ver o anuncio completo na páxina da Xunta.

3º ESO: Proxecto do pinball

2009-12-14T20:49:00.003+01:00

Os alumnos de 3ºBC tiveron hoxe a última clase de taller antes da avaliación dos proxectos e houbo un grupo que rematou totalmente o seu pinball. É unha pena non contar cun par de días máis para poder facer os axustes que son sempre necesarios para que todo funcione correctamente, e xa postos a pedir, poder coidar da estética, que tamén é importante.

Nos próximos días sacarei fotos de todos os proxectos e as colgarei para que podades amosar o voso traballo fóra do instituto. Por certo, xa están todos puntuados e en xeral, ben :-) As notas da avaliación terédelas o xoves.

Almanaque de Advento

2009-12-04T20:32:00.004+01:00

O Equipo de Normalización Lingüística e o departamento de Plástica están dirixindo a construción dun almanaque de Advento na entrada do instituto. Se queredes engadirlle o voso adorno, podedes entregarllo a Montse ou a María José, profesoras responsables desta iniciativa. Lembrade que non tedes que incluír o número de día no adorno, xa que se poñerá posteriormente.

Gracias a tod@s por participar e a Montse e María José por traernos os primeiros aires do Nadal!

3º ESO: Aviso

2009-12-04T11:15:00.003+01:00

Todavía hai alumnos que non entregaron o boletín de mecanismos e xa sabedes que hoxe é a data límite. As dúas últimas horas da mañán estarei na aula de 3º de PDC, situada no 2º andar. Tamén podedes pasarvos pola sá de profesores e entregalo para que mo deixen no meu casilleiro. Gracias!

Para pasar o tempo

2009-12-03T22:22:00.002+01:00

Xa sei que este ano teño totalmente aparcada a sección da aplicación da semana, pero é que o tempo non dá para máis. Así que para compensar un pouco, vouvos facer tres recomendacións para que vos relaxedes entre exame e exame:

Unha aplicación para crear online fondos de escritorio: x3studios
Unha aplicación para recortar vídeos de YouTube: TubeChop
Unha páxina de xogos: physicsgames

Sorte cos últimos exames desta avaliación, e ánimo, que non queda nada para as vacacións!!!

O taller abre nos recreos

2009-12-01T18:23:00.002+01:00

Quedan poucos días para a avaliación e quero darvos a oportunidade de adiantar os proxectos durante os recreos. Esta semana abrirei o taller 1 nos seguintes recreos:

Xoves: 1º recreo
Venres: 1º recreo

Como sabedes, a asistencia é voluntaria e non a terei en conta na nota. Cada grupo deberá valorar se as sesións que quedan antes da avaliación son suficientes para rematar o proxecto ou se pola contra considerades que necesitades vir nalgún recreo para adiantar traballo. É necesario que polo menos a metade do grupo asista para poder traballar no proxecto.
Tamén abrirei o taller algún recreo durante a semana que vén.
Este aviso é válido para os meus alumnos, tanto de 2º coma de 3º.

3º ESO: Boletín de exercicios

2009-11-27T20:19:00.004+01:00

Lembrade que a data límite para entregar resolto o boletín de exercicios do tema de mecanismos é o 4 de Decembro e que despois deste día non recollerei ningún boletín. Lembrade tamén que fará media coa nota do exame e que podedes preguntarme todas as dúbidas que teñades na súa resolución.

Primeiras fotos dos proxectos de 3º

2009-11-26T22:58:00.003+01:00

Xa temos as primeiras fotos do proxecto que estamos a realizar en 3º curso. En particular, foi o grupo laranxa de 3ºBC quen conseguiu ter unha primeira aproximación do que será o pinball final. Polo momento non hai nada montado pero remataron a maioría das pezas que integran o pinball base (están a traballar no deseño dos elementos voluntarios) e quixeron colocalas sobre a base de contraplacado para ver que tal encaixaban. Con todos vós, o resultado:

Agardo poder poñer fotos do proceso de construción doutros grupos nas próximas semanas.

E ti que les?

2009-11-21T00:04:00.003+01:00

Desde o 20 de Novembro ate o día 17 de Decembro a nosa biblioteca acolle o proxecto E ti que les? realizado e cedido pola Biblioteca do IES de Sabón. Parabéns ás responsables da organización no noso centro e por suposto aos compañeiros de Sabón por un traballo tan interesante.

Robot solar

2009-11-20T23:54:00.003+01:00

A través de nopuedocreer atopei este robot solar que se move ate que se descarga para comezar de novo a andar en canto se recarga a través da súa placa solar. Interesante...

3º ESO: Boletín para entregar

2009-11-16T18:36:00.006+01:00

O boletín de mecanismos que teredes que resolver e entregar xa está dispoñible na sección 1ª AVALIACIÓN. Podedes descargalo ou agardar a que volo reparta en clase. A data límite para entregarmo é o 4 de Decembro e despois dese día non o recollerei.

Se tedes dúbidas con algún exercicio, buscádeme no taller 1 ou na sá de profesores durante os recreos.

3º ESO: Proxecto do pinball

2009-11-10T20:27:00.002+01:00

E por fin chegou o día de comezar co proxecto do pinball!!! Mañán en 3ºA e o xoves en 3ºBC teremos a primeira sesión de traballo. O cuestionario xa está dispoñible na sección 1ª AVALIACIÓN por se o queredes descargar, pero de todas formas vos darei copia en papel no taller. Ide pensando como queredes facer os grupos...

2º ESO: Comezamos o proxecto

2009-11-03T17:56:00.001+01:00

Esta semana comezamos co proxecto da 1ª avaliación en 2º C e D. Déixovos o cuestionario e o deseño do proxecto na sección 1ª AVALIACIÓN para que podades descargar os dous documentos.

3ºA: Exame de Mecanismos

2009-11-03T17:54:00.001+01:00

Mañán día 4 de Novembro teremos o exame de mecanismos na aula de 3ºA. Lembrade que é moi aconsellable que traiades calculadora. Estudiade moito!!!

2º ESO: Lámpadas de incandescencia

2009-11-01T18:43:00.006+01:00

Este ano tamén fixemos a minipráctica de deseño e construción de lámpadas de incandescencia con filamentos de nicromo. Nesta ocasión apagamos todas as luces do taller para gravar os vídeos e o resultado foi impresionante, mesmo parece de Halloween :-)

(Tamén en youtube)

3º ESO: Actualización do tema de mecanismos

2009-10-27T19:14:00.002+01:00

Na sección 1ª AVALIACIÓN está colgada a actualización do tema de mecanismos xa rematado. Tamén aproveitei para correxir un erro que había na diapo 33 e que vos comentarei na clase o próximo día, polo que é moi importante que o descarguedes de novo. Desculpade as molestias!

3º ESO: Aviso

2009-10-15T10:17:00.007+02:00

Tedes que correxir a diapositiva 36 da presentación de mecanismos porque ten un erro nas relacións de transmisión. Facede clic sobre esta imaxe para ver a versión correcta ou descargade de novo o pdf da sección 1ª AVALIACIÓN (xa está actualizada):

2º ESO: Presentación

2009-10-06T18:15:00.002+02:00

A diferencia dos cursos pasados, este ano non teremos os desdobres que viñamos facendo en 2º de ESO, pero si unha hora semanal de apoio no taller. Na hora semanal de taller, cada 2º se dividirá en dous grupos e cada grupo terá clase coa mesma profesora durante todo o curso.
Esta semana teremos a primeira clase de taller e vos deixo na sección 1ª AVALIACIÓN a presentación que comentaremos nesta primeira sesión.

3º ESO: Mecanismos

2009-09-27T23:34:00.005+02:00

Na sección 1ª AVALIACIÓN atoparedes a primeira entrega do tema de MECANISMOS en formato pdf. Avisarei de todas as actualizacións que fagamos do documento.

Aproveito tamén para recomendarvos unha serie de ligazóns que utilizaremos durante todo o tema:

Tamén podedes recoller este material na fotocopiadora do instituto.

3º ESO: Presentación do curso

2009-09-23T22:24:00.002+02:00

A presentación do curso de 3º de ESO xa está colgada en formato pdf na sección 1ª AVALIACIÓN. Nos próximos días teredes tamén o tema de Mecanismos.

Reciclar unha guía telefónica

2009-09-19T23:47:00.004+02:00

Todos temos unha guía telefónica atrasada por casa, verdade? Pois agora podemos convertela nun organizador de lápices! Vede todos os detalles en ikkaro.

Comezamos o curso 2009-10

2009-09-16T23:19:00.003+02:00

Mañán comezamos o curso 2009-10. Vémonos por Pastoriza!!!

Resistencias variables

2009-09-01T19:28:00.004+02:00

Algunha vez fixemos probas de conductividade coa mina dun lapis (incluso conseguimos poñela incandescente) pero en ikkaro nos propoñen unha alternativa interesante.

Exame de Setembro

2009-09-01T10:40:00.003+02:00

É fermosa, verdade?

2009-08-09T23:58:00.003+02:00

Non é a primeira vez que colgo no blog unha foto da Lúa pero si é a primeira vez que a foto é miña :-) Saqueina colocando o móbil directamente no ocular dun telescopio.

Bicicleta plegable

2009-08-05T14:20:00.004+02:00

A través de ALT1040 souben da existencia desta bicicleta plegable que todavía non está comercializada. Sen dúbida un artiluxio ben interesante para os que gostan de usar a bici nas cidades, viaxan ou teñen pouco espazo na casa.

Se medimos distancias en campos de fútbol...

2009-07-19T22:19:00.003+02:00

...podemos medir a eficiencia na impresión de cada tipo de letra en bolígrafos!!! (vía microsiervos).

E por fin as fotos da exposición!!!

2009-06-25T01:36:00.013+02:00

O pasado día 22 de Xuño tivo lugar a IV Exposición-Concurso de Proxectos de Tecnoloxía que este curso contou con 18 proxectos seleccionados. Velaí as fotos dos proxectos participantes...

...e o resultado da votación na que participaron todos os alumnos do instituto:

Na categoría de 2º de ESO os gañadores foron Daniel, Samuel e Javier de 2ºA co seu detector de metais (proxecto número 6).
Na categoría de 3º de ESO os gañadores foron Carlos, Bruno e Tania de 3ºC co seu pegatortas (proxecto número 2).
Na categoría de 4º de ESO os gañadores foron Javier, Diego, Lorena, Celeste, Aitor e Jose de 4ºB co seu garaxe de apertura controlada por ordenador (proxecto número 4).

Moitas gracias a todos os colaboradores que fixeron posible a realización da exposición (mención especial para os alumnos de 2ºC), parabéns a todos os participantes e... BOAS VACACIÓNS!!!

Para ir abrindo boca

2009-06-24T13:14:00.002+02:00

Como xa comentei, ao longo dos próximos días farei un post coas fotos da IV Exposición-Concurso que celebramos o luns 22 de Xuño no IES de Pastoriza. Mentres, déixovos cun vídeo que colgou o noso compañeiro de Santiago Jorge Gómez acerca da mostra de proxectos realizada o día 12 de Xuño no Toural. Así poderedes ver o ben que traballan tamén outr@s chic@s de toda Galiza

Tecnoloxía na Rúa

IV Exposición-Concurso de Proxectos de Tecnoloxía

2009-06-22T23:34:00.002+02:00

Un curso máis celebramos a exposición-concurso de proxectos de tecnoloxía. Como mañán entregaremos os premios nas diferentes categorías durante o festival de fin de curso que terá lugar no centro cívico, ides permitir que polo momento me reserve o nome dos gañadores :-)

Nos próximos días colgarei fotos de todos os proxectos expostos e tamén o resultado do concurso. Moitas gracias en nome das tres profesoras do departamento a todos os participantes, a todos os asistentes e a todos os colaboradores que fixeron posible desfrutar un ano máis dos vosos traballos.

Ate dentro duns días!!!

4º ESO: Vídeos dos proxectos

2009-06-18T22:20:00.007+02:00

Os alumn@s de 4ºB remataron os seus proxectos xusto a tempo para a exposición que realizaremos o luns día 22 de Xuño. Neste primeiro vídeo podedes ver a apertura e peche da porta dun garaxe controlada a través do porto paralelo dun ordenador con programación en MSWLogo. Houbo algún que outro problema co complicado circuíto que tiveron que implementar e tamén co axuste do sistema de transmisión, pero nada que Aitor, Celeste, Lorena, Javier, Diego e Jose non puideran solucionar.

Agora tócalle o turno ao autobús cabledirixido que deseñaron e construíron Raquel, Álvaro, Héctor, Adrián e Sandra (peza imprescindible deste equipo de traballo :-) A través do porto paralelo do ordenador controlan o seu funcionamento de maneira que o autobús pode xirar a ambos lados activando o intermitente que corresponda, avanzar, activar a luz de freo e acender as luces de posición. A pesar de empregar un cable bastante longo, á vista do vídeo parece que non é suficiente. Agora teremos que aprender a conducilo! Non vos perdades o seu interior, coidado ate o último detalle.

Estou moi contenta co traballo que fixestes. Parabéns a tod@s!!!

4º ESO: Traballos de Informática

2009-06-09T13:20:00.002+02:00

As datas para as exposicións dos traballos de informática son:

Historia de Internet: luns 15
Ferramentas na ventana de comandos: luns 15
Transmisión de datos nunha rede: luns 15
Tipos de redes: luns 15/martes 16
Elementos necesarios nunha rede: martes 16
Medios de difusión de datos: martes 16
Protección dunha rede inalámbrica: martes 16
Direccións IP e DNS: martes 16/xoves 18
A rede do instituto: xoves 18
O protocolo TCP/IP: xoves 18

Lembrade que tedes que enviarme as presentacións por correo electrónico.

Últimos exames

2009-06-09T12:43:00.001+02:00

Achégovos as datas dos últimos exames de Tecnoloxía no mes de Xuño:

Luns 15 de Xuño: Exame de Pneumática de 4ºB
Mércores 17 de Xuño: Recuperacións de 2ºA
Xoves 18 de Xuño: Recuperacións de 2ºB

Comentaremos en clase que parte ten que recuperar cada un de vós.

2º ESO: O taller abre nos recreos

2009-06-04T23:30:00.002+02:00

O taller 1 de tecnoloxía estará aberto no primeiro recreo do luns 8 e do martes 9 de Xuño.

Son os únicos días que abrirei para rematar os proxectos de 2º curso. A asistencia é totalmente voluntaria.

Mostra de Proxectos en Compostela

2009-06-04T22:47:00.004+02:00

O noso compañeiro Jorge, do IES Rosalía de Castro de Santiago de Compostela fainos chegar a convocatoria de Tecnoloxía na Rúa do vindeiro día 12 de Xuño. Trátase dunha exposición de proxectos realizados por alumn@s de tecnoloxía de centros de toda Galicia.

Máis información e díptico no blog de Jorge. Parabéns aos organizadores pola iniciativa!!!

Informática: Redes Informáticas

2009-06-01T22:03:00.001+02:00

Na sección 3ª AVALIACIÓN está dispoñible a presentación que empregamos para o tema de Redes Informáticas. Seguramente será de utilidade na elaboración dos traballos.

Aplicación da semana: Solid Edge

2009-05-31T22:22:00.003+02:00

A través de tecnotic.com souben deste xogo de efectos encadeados. En Solid Edge teredes que realizar os axustes oportunos para sacar o patinete do garaxe.

Esta é a última aplicación da semana do mes de Maio e tamén deste curso. En Setembro reabriremos a sección!!!

Aplicación da semana: FeedJournal

2009-05-24T19:09:00.004+02:00

Hoxe coñecín FeedJournal a través de What'sNew. Trátase dunha aplicación online que permite xerar un xornal en pdf a partir dos feeds das páxinas que escollades (seleccionando cada entrada individualmente). Os que tedes un blog podedes empregalo para enviar periodicamente un boletín aos vosos subscritores.

O xogo máis difícil do mundo

2009-05-20T10:14:00.002+02:00

¿Sabedes realizar unha busca en internet de forma efectiva? Animádevos a probar o xogo máis difícil do mundo, unha serie de enigmas encadeados para os que contades con google como única ferramenta. Cada nivel vén acompañado de dúas pistas: un texto e unha imaxe. Escribindo a resposta correcta na caixa e premendo no botón Acceder pasaredes ao seguinte nivel.

A resposta debe escribirse en minúsculas, sin tildes e con espacios no caso de ser máis de unha palabra. Sorte!!!

Día da muiñeira en Pastoriza

2009-05-19T22:13:00.002+02:00

Os departamentos de Educación Física e Normalización Lingüística organizaron este colorido día da muiñeira, actividade na que participaron máis de 100 alumnos do noso centro. A foto está tomada desde a aula de plástica situada no 2º andar do instituto (gracias Mª José!). Noraboa a todos os participantes e ás organizadoras!!!

Aplicación da semana: Magic Pen

2009-05-17T22:42:00.004+02:00

Con Magic Pen teredes que debuxar obxectos que permitan levar a bola vermella ate a bandeira. Moi entretido! Gracias á sección de xogos de microsiervos.

4º ESO: Pneumática

2009-05-17T19:12:00.005+02:00

Deixo na zona de descargas a unidade de pneumática que utilizaremos en clase como complemento do libro de texto. Podedes descargala na sección 3ª AVALIACIÓN. Incorpora varias animacións de libros vivos.net e tamén un fantástico traballo de Pilar Latorre.

2ºB: Aviso de Exame

2009-05-17T19:07:00.004+02:00

O martes día 19 teremos o exame de periféricos no grupo de 2ºB. Repasade os exercicios que fixemos na clase e empregade o tema do libro e a presentación para preparar a parte de teoría. Se tedes dúbidas, búscademe nos recreos na sá de profesores.

Día das letras galegas en Pastoriza

2009-05-13T17:02:00.006+02:00

Achégase o día das letras galegas e @s alumn@s de 3º e 4º quixeron render homenaxe a Ramón Piñeiro con este impresionante mural que decora a parede da entrada do noso instituto. Detrás deste fantástico traballo están Mª José Núñez, xefa do departamento de Plástica e Montse Collazo, xefa do departamento de normalización lingüística.

Ao longo destes días @s alumn@s participarán pegando as súas contribucións no mural. Noraboa a tod@s!!!

Aplicación da semana: WallWisher

2009-05-10T13:02:00.002+02:00

A través de what's new chéganos WallWisher, unha aplicación coa que poderedes crear un espacio onde os vosos amigos, e en xeral calquer persoa que coñeza a URL, poderán deixarvos notas, imaxes, clips de audio ou vídeos.

Queredes probar o meu?

Unha imaxe

2009-05-07T21:54:00.002+02:00

Vía no puedo creer.

Visita a Citroën e ao CAT (segunda parte)

2009-05-04T12:48:00.002+02:00

Chegamos ao Concello onde nos agardaba Andrea, a responsable do Centro de Artesanía Tradicional (CAT) que sería a nosa guía durante a visita. A idea inicial cando decidimos acudir ao CAT era coñecer a colección de ferramentas de oficios tradicionais que se expoñen alí de forma permanente. Para a nosa sorpresa, estaba tendo lugar un dos cursos de cestería que se imparten no centro e así tivemos a ocasión de coñecer a Antonio, o único cesteiro de formación tradicional que queda en activo en Galicia. El e os seus alumnos estaban a traballar en pezas que xa comezaban a tomar forma. Un luxo coñecer de primeira man as técnicas da cestería tradicional!

Na seguinte imaxe podemos ver unha representación das diferentes pezas de alfarería que se expoñen actualmente no CAT. Andrea explicounos as diferencias entre os cacharros elaborados en zonas como Buño, Gundivós ou Niñodaguia amosándonos pezas características de cada unha delas.

Coñecimos tamén as ferramentas empregadas polos ferreiros e os carpinteiros e chamou a nosa atención o feito de que non hai tanto tempo, as vaixelas eran de madeira pois a louza era obxecto de luxo. Podedes ver tamén na imaxe o tamaño dunha fechadura coa súa correspondente chave. Enorme, verdade?

Finalmente Andrea falounos dos alabardeiros e as tecelás. Contemplade o resultado dun traballo realizado por mans expertas.

Sabiades que eran poucas as persoas que podían colocar o urdido no tear? Parece ser que unha vez rematada unha peza, as tecelás cortaban os fíos sobre os que se montaba no tear a fin de gardar a urda para utilizar nas seguintes pezas.

O tempo voou escoitando a Andrea falar de artesanía tradicional e tivemos que marchar a comer. Mario, o noso chófer, levounos de volta ao instituto onde Ana, sempre tan riquiña, deixou que fixeramos tempo na cafetería ate que tocou o timbre anunciando o fin dunha boa xornada. Agardo que teñades desfrutado da visita tanto coma eu!!!

Aplicación da semana: Moebius Syndrome

2009-05-03T20:02:00.003+02:00

Mañán non temos clase en Pastoriza, así que podedes aproveitar para probar a aplicación desta semana. Microsiervos presenta sempre interesantes propostas e esta nos vén da súa sección de xogos. En Moebius Syndrome teredes que xirar as diferentes pezas para crear bucles pechados que desaparecerán. Coidado, o número de pezas aumenta, e aumenta, e aumenta...

Electricidade a partir de radiación solar

2009-05-01T18:39:00.004+02:00

Acaba de entrar en funcionamento unha nova planta para xeración de electricidade a partir da radiación solar. Toda a información facendo clic nesta ligazón que nos envía o noso colaborador Suso Pensado.

Visita a Citroën e ao CAT (primeira parte)

2009-04-29T11:16:00.018+02:00

8:50 do luns 27 de Abril. Todo listo! Saímos para Vigo!

Chegamos unhas dúas horas máis tarde á entrada de Citroën onde nos agardaba Romina, a nosa guía para realizar a visita. Poñemos as punteiras de goma, a bata, o chaleco, as gafas de protección e accedemos a unha das zonas onde se realizan soldaduras de pezas. É impresionante comprobar a precisión coa que traballan os robots nunha coreografía perfecta para ensamblar as diferentes pezas que conformarán a carrocería do automóbil. Algunha chispa salta ate onde estamos nós dando sentido ao equipo de protección que puxemos antes de comezar a ruta.

Saímos cara a seguinte etapa. Agardamos ver todo o proceso de fabricación coa excepción da fase de pintura pois, nos informa Romina, teriamos que cambiar de indumentaria de novo e non parece que vaia sobrar o tempo. Facemos unha parada para observar atentamente como se coloca o motor. A nosa guía cóntanos que estes veñen previamente montados e de aí pasamos a un dos momentos máis sorprendentes, a etapa de embutición. É incrible ver como os moldes actúan sobre as planchas de aceiro para conformar as diferentes pezas do automóbil. Sorpréndenos o pouco espesor das láminas de aceiro (apenas 5 mm). Na imaxe, unha das poucas que nos permitiron sacar, podemos ver un dos primeiros moldes que se empregaron na fábrica. Cos moldes actuais todo resulta máis fácil.

Chegamos á seguinte parada na que vemos como se colocan os cristais e as portas dos diferentes modelos. Os coches van tomando forma diante dos nosos ollos.

Chegamos ao final da visita onde os automóbiles xa rematados pasan unha serie de tests para comprobar que todo funciona correctamente. Romina coméntanos que aqueles que non pasan satisfactoriamente os controis son revisados de novo para solucionar os problemas e que nalgunhas ocasións, poucas, é necesario desfacer totalmente o vehículo para comezar de novo.

Actualmente prodúcense 1654 automóbiles cada día na planta que acabamos de visitar. Este dato é aínda máis sorprendente se temos en conta que nas primeiras instalacións de finais dos anos 50, a produción era dun coche por día. Sabedes canto se tarda en fabricar un dos vehículos que se producen en Vigo? Da orde de dúas horas. Incrible, verdade?

Despedímonos de Romina dándolle as gracias por ser unha excelente anfitriona e pola súa infinita paciencia á hora de dar resposta a todas as preguntas que lle prantexamos, e saímos cara ao Centro de Artesanía Tradicional.

A semana na que non houbo aplicación da semana

2009-04-27T22:11:00.002+02:00

Pido desculpas por adiantado porque esta semana non vai haber aplicación da semana. Tendo en conta que hoxe pasamos todo o día fóra do instituto, que o venres é festivo e que o luns tampouco teremos clase, vou descansar esta semana. A cambio prometo un post coa visita que fixemos a Citroën e ao CAT. Será nos próximos días!

4º ESO: Visita a Citroën

2009-04-24T16:59:00.003+02:00

O pasado luns día 20 os alumnos de 4ºA e 4ºE visitaron a cadea de produción de Citroën e o próximo luns día 27 tócalles aos alumnos de 4ºB e 4ºD. Aproveitaremos tamén para achegarnos ao CAT (Centro de Artesanía Tradicional) no que teremos a ocasión de desfrutar dunha visita guiada. A xornada promete!!!

Para os que vides:

Lembrade traer a autorización asinada se todavía non o fixestes.
Non é necesario que traiades bocadillo porque á vista do tempo, comeremos "a cuberto" :-)
Non subades ás aulas ao chegar ao instituto o luns pola mañán. Agardade polo autobús abaixo (eu xa estarei alí).
Botádelle un ollo de novo ás normas que enviaron desde Citroën e lembrade que hai que levar calzado deportivo ou zapatos de punta redonda.

Boa fin de semana!!!

Aplicación da semana: Caleidoscopio

2009-04-19T20:16:00.005+02:00

Probade este curioso caleidoscopio que nos vén recomendado desde a páxina what's new.

2º ESO: O ordenador e os periféricos

2009-04-19T19:16:00.007+02:00

A semana pasada comezamos coa unidade 4 que está adicada ao ordenador en xeral e aos periféricos en particular. A presentación que empregaremos en clase está disponible na aulateca e agora tamén no blog (sección 3ª AVALIACIÓN).

Acompaño este post dun simpático, sinxelo e interesante vídeo acerca do funcionamento dos ordenadores.

Aplicación da semana: Open Doors 2

2009-04-13T00:58:00.003+02:00

Agardo que tiverades unhas boas vacacións e que veñades descansados e coas ganas que require a terceira avaliación. Esta semana propóñovos un xogo de lóxica que nos chega a través de microsiervos. En Open Doors 2 teredes que utilizar os cursores para levar o cadrado vermello ate o xe vermello tamén. Coidado, as portas ábrense e péchanse co movemento do cadrado, pero case nunca como quixeramos :-)

4º ESO: Primeiras fotos dos proxectos!!!!!!

2009-04-02T22:18:00.011+02:00

Xa hai un par de semanas que comezamos cos proxectos en 4º B. Trátase de deseñar e construír dispositivos que podan ser controlados a través do porto paralelo dun ordenador.

O equipo formado por Adrián, Ismael, Sandra, Raquel, Héctor e Álvaro decidiu construír un autobús. O deseño incorpora dous motores, dous intermitentes, dúas luces de posición e dúas luces de freo. O programa realizado en MSWLogo permite activar e desactivar os motores de forma independente, de maneira que o autobús pode avanzar e xirar a esquerda e dereita, poñendo en funcionamento o intermitente que corresponda. Cando o autobús está parado, as luces de freo acéndense e en calquer momento podemos acender ou apagar as luces de posición. O equipo de conexión rematou onte o circuíto dos motores e fixeron con éxito a primeira proba de control dos dispositivos. Aquí tedes unhas fotos deste proxecto:

O equipo de construción pegando as diferentes pezas da estrutura do autobús.

O equipo de conexión realizando as soldaduras dos compoñentes do circuíto.

O equipo de programación realizando as primeiras probas de control dos dispositivos.

O equipo formado por Celeste, Lorena, Aitor, Javier, Diego e Jose decidiu construír un garaxe que funciona do seguinte xeito: unha porta de infravermellos activa a apertura da porta do garaxe á vez que acende a luz do interior. Logo de abrirse totalmente, a porta permanece nesta posición un tempo e inicia de forma automática o movemento para pecharse. Cando está totalmente pechada, a luz do interior apágase. A idea orixinal deste proxecto provén da interesantísima páxina tecnologiafacil.net, se ben fixeron algunha modificación sobre o deseño orixinal e realizaron o seu propio código para o control dos dispositivos. Polo momento están tendo algún problema (non teño ningunha dúbida de que será por pouco tempo) coa montaxe do circuíto, que incorpora un relé para a inversión de xiro do motor e outro actuando como interruptor xeral. Como a intensidade proporcionada polas saídas do porto paralelo non é suficiente para alimentar aos relés, cada un deles precisa dunha etapa de amplificación con transistor e isto está traendo de cabeza ao equipo de conexión :-) O equipo de programación xa rematou o código para o control da porta e da luz e axiña comezará co procedemento para ler o receptor de infravermellos. Velaí van unhas fotos deste complicado proxecto:

O equipo de conexión realizando as primeiras probas co circuíto montado sobre unha protoboard.

O equipo de construción pintando as diferentes pezas que formarán a estrutura do garaxe.

Todos estades realizando un traballo estupendo!!! Seguide así!!!!!

Aplicación da semana: Down for everyone or just me?

2009-03-29T20:25:00.005+02:00

Estamos cargando unha páxina e non vai. Tentámolo de novo, e de novo problemas. Serei eu ou estará caída para todo o mundo???

Teclea a URL en Down for everyone or just me? e terás a resposta.

¿Pódese construír un captador solar con botellas de plástico?

2009-03-26T23:50:00.003+01:00

Pódese! Para saber máis, visitade esta ligazón que nos recomenda Suso Pensado.
Aproveito tamén para animarvos a que me enviedes as vosas recomendacións ou colaboracións para o blog.

De aqueles blogues estas redes sociais

2009-03-25T22:18:00.004+01:00

Que sabedes das redes sociais? Aprendede un montón con este imprescindible post. A súa autora, Tati Mancebo, ten unha ampla experiencia profesional no ámbito da xestión cultural.

En 2003 comezaron a popularizarse os blogues. Construír unha web de deseño simple cos contidos organizados cronoloxicamente abriu a porta pública a todas as persoas que tiñan algo que dicir. E mudaron a face de Internet, até aquel momento inzada de páxinas estáticas que servían unicamente como medio de contacto ou bases de datos. Servizos como Blogia, Blogger e Blogalia, nun principio, foron secundados por outros como Tumblr e Blogaliza, o primeiro servidor galego de blogues. Un blogue para cada individuo consciente de pertencer á comunidade dos produtores de contidos.

Os comentarios eran habituais e a lectura dos que te seguían de obrigado cumprimento, independentemente do interese propio por uns asuntos ou por outros. Co tempo o número de blogues multiplicouse, os comentarios fixéronse máis escasos, as visitas mesmo nos blogues máis populares, baixaron considerabelmente e en Galiza falouse por ver primeira da morte do blogomillo, entendendo por este a comunidade de blogues escritos en galego.

Mais coa popularización dos blogues e o costume estendido de comunicación a través das SMS naceu o microblogueo, asentado en servizos como Twitter, inicialmente condenado ao fracaso pola opinión experta pois non se albiscaba ningunha das súas funcións actuais agás en caso de xeneralizarse o seu uso, premisa que non demorou moito en facerse realidade, e todos os seus clons, entre o que se encontra o servizo galego Lareta. O microblogueo permitía presenza e relevancia na rede sen o gran esforzo que esixía escribir un post case a diario, escrito pensando máis a estas alturas no interese dos lectores que no propio. Dicir onde estabas e que andabas a facer, alén de reflexións circunstanciais sobre temas de actualidade eran suficientes para seguir movendo pequenas masas. Ademais incluiuse no soporte a posibilidade de subscribirse por RSS ás anotacións ou actualizacións de estado das persoas que nos seguían ou que nos parecían interesantes, ferramenta de grande utilidade nun mar cada vez máis cheo de auga.

A relevancia das identidades dixitais xa non dependían dos visitantes anónimos que pasasen polas súas casas cada día senón dos seus grupos de amigos e da relevancia destes para atraer outros novos. E ao mesmo tempo, apareceron as chamadas redes sociais temáticas ou especializadas en determinados medios para compartir información: Youtube e Vimeo para partillar vídeos, Flick, Picasa ou Photobucket e outros para exhibir e compartir fotografías, Linkedin para promoción e contacto profesionais... Até hoxe en día, que coexisten redes orientadas case cara a calquera tema: mascotas, viaxes, deporte, gastronomía etc.

E cando semellaba que Myspace se especializaba cada vez máis como ferramenta indispensábel entre os profesionais da música, lonxe da rede de redes que pretendía ser, e outras redes xeneralistas de ámbito global perdían fol, apareceu Facebook e deu o golpe: 175.000.000 de usuarios no mundo que aumentan en 500.000 cada día. Fálase de 8.000.000 de usuarios no Estado Español e o Faro de Vigo aventurouse a calcular o outro día que os galegos chegan a 100.000.

A xente anúnciase, mantén os seus amigos informados do que fai, do que lle pasa pola cabeza, conspira, protesta, lerchea, experimenta, mostra fotos, vídeos, ligazóns interesantes, vaia, o mesmiño que antes pero en calquera momento desde un ordenador ou, cada vez máis, desde un móbil mediante aplicacións como Pixelpipe, que permiten actualizar o estado en todas as redes ao mesmo tempo, sen necesidade de ir pasando por cada unha delas. E todo isto sen falar xa doutras como Qik e Kyte, que permiten subir vídeos e imaxes desde o móbil directamente a Internet en tempo real, e de aí a Facebook e outras redes sociais, sen necesidade de almacenalos na memoria do aparello.

E ti, cantos amigos tes?

Trebellos

2009-03-24T20:19:00.003+01:00

Trebellos é unha web onde se publica o traballo de análise de obxectos dos alumnos de PDC do IES Primeiro de Marzo de Baiona. Se entrades, poderedes ver como son as "tripas" dunha calculadora, un mando da tele ou un secador do pelo, por poñer algún exemplo. Un traballo estupendo que nos vén recomendado dende tecnoloxia.org

Aplicación da semana: html->pdf Converter

2009-03-22T20:18:00.005+01:00

A recomendación desta semana é unha aplicación online que permite converter unha páxina web nun documento pdf. Con html->pdf converter (vía what's new) soamente teredes que pegar a URL e premer no botón Make PDF. Cando esté listo poderemos abrir ou gardar o documento resultante.

2º ESO: O taller abre nos recreos

2009-03-16T11:46:00.001+01:00

O taller 1 estará aberto nos dous recreos do martes e do mércores desta semana. Se queredes, podedes vir para traballar nos proxectos. Lembrade que é totalmente voluntario.